غزه بدون اطفال لان اطفال غزه رجال

نص (( غزة بدون أطفال ))

للشاعر / ضيدان المريخي



الليل طال وسـاري الليـل ماطـال
فجـر محيـا طلتـه يدحـم الليـل
ماغمضة عينه علـي راحـة البـال
ماحط في جفنه من السهـر ماشيـل
يركض وهو في داخلـه روح خيـال
مافـي عيونـه للأمانـي تفاصيـل
صوت ولكن ماسمع صوتـه الجـال
حتى الصدى ماله بسمعـه مداهيـل
طفل يلوح بعارضـه شيـب رجـال
يهـدي سنينـه للسنيـن المقابيـل
ياطفل عفوا يارجـل قـل للأطفـال
كيف انزرعت وصرت كلك محاصيـل
سولفلهم عن زفـة ارواح الأبطـال
لالحفوهـم قطعـة النـور تبجـيـل
لو كان بعيونك من الدمـع سلسـال
شرهتك ماهي كيس حلوى ومنديـل
لو عشت من عمرك اسبوعين وهلال
سجلة فـي تاريخنـا مرحلـة جيـل
فارس وجثمانك علي اللـوح يختـال
هذي هي العزه علي صهـوة الخيـل
مايرهبك صوت المدافـع والأرتـال
يومن صوتـك فيـه للحـق ترتيـل
صبوا علي راسك من النـار شـلال
لكن بقى راسك ورى الجدي وسهيـل
كبرت يوم أستصغرت بعـض الأزوال
حررت رجلك مـن قيـود المحابيـل
قل للحزينـه والسعـد قدمهـا فـال
لاتدفـن النـار وتشيـل المعاميـل
تنفظ اغبار الحزن عن كـل الأطـلال
حتى تعـج بدورهـا ريحـة الهيـل
تكتب بدمعة مـن الوجـد مرسـال
يقول في صـوت الرجـا والتهاليـل
غزة بدون أطفال في كـل الأحـوال
هـذا لأن أطفـال غـزة رياجـيـل
ستين عام ولاضحـك فجـر شـوال
يضحك عليه أبريل في كذبـة أبريـل
حبر القلم في مجلس الأمن لو سـال
يطعن حروف العدل في حربة الميـل
تظلم بها الصورة علي كل الأشكـال
سيناريـوا وأدوار مسـرح وتمثيـل
اهم شيء ان البناخـي مـع الخـال
يعنـي أمريكـا ماتزعـل اسرائيـل
لكن سمعتوا منطق الحق وش قـال
الحل دايم سطوتـه فـي يـد الحيـل
الارض تطفح دم والصمـت مـازال
مدري متى بصدورنا يطفـح الكيـل

مشكور اخوي
تقبل مروري
الوافي

مشكور اخوي على الموضوع
















تقبل مرور اخوك
الكاسر

الله يعطيك العافيه على الموضوع
تحياتي...

الله يسهل لك أمورك ومشكوووووووووور......